ЙӘШЛЕК ҺӘМ ҠАРТЛЫҠ

Мәңгелек бәхәстә булыр 

Йәшлек үә ҡартлыҡ. 

Табылырмы икән бер саҡ 

Алтын урталыҡ. 

Йәшлек хис менән алдыра, 

Ҡартлыҡта - аҡыл. 

Йәшлек яндырай, дыуамал, 

Ҡартлыҡта - таһыл. 

Ҡартлыҡта тәжрибә, хәйлә –

Йәштә көс һәм дәрт! 

Йәшлек, ҡартлыҡ – икәүһе 

Бер тигән дәүләт! 

Йәшлек ярһыу, сәмле булһа, 

Ҡартта – сабырлыҡ, 

Алтын аҡыл, һәр шәйгә лә 

Яуап табырлыҡ. 

Йәшлек – йүгән күрмәгән тай –

Уйнаҡлап сабыр! 

...Бер әйләнеп үҙ ҡаҙығын 

Барыбер табыр. 

Ҡарт алашаға барыбер 

Бер килеп һағыр. 

Йәшлек, ҡартлыҡ гел йәнәшә 

Уҙышыр, сабыр. 

Олоһона тәүфиҡ бирһен, 

Йәшкә – мәрхәмәт, 

Алтын урталыҡты тотоп 

Йәшәү бер дәүләт. 

Гульзифа Исрафилова.