Рәхмәт

Рәхмәт

Тапшырылһын рәхмәтебеҙ

Тулҡын- тулҡын...

Минән - һиңә, һинән уға

Китеп торһон.

Рәхмәттәрҙең юлы оҙон

Сикһеҙ булһын.

Урап - урап әйләнһен дә

Килеп торһон.

Рәхмәтле була белеү ҙә

Бер аҡыл.

Мәлендә әйтеп барайыҡ

Һәр ваҡыт.

Ошо һүҙҙә йәшәүҙәрҙең

Хикмәте.

Беҙгә бирелгән Аллаһтың

Рәхмәте.

Рәхмәтеңдән тирә - яғың

Яҡтыра.

Бер рәхмәтең мең бәләнән

Ҡотҡара.

Гөлзифа Исрафилова.

"Кешеләргә ҡалам ышанып" тигән китабынан.