Күңел күҙе

Күңел күҙе 

Хикмәтле хикәйәт

Ғибәҙәтханала ултырған һуҡыр мосафир тураһында әйләнә-тирәләге кешеләр: "Был бөйөк аҡыл эйәһе", — тип әйткән булалар. Көндәрҙең береһендә мосафирға килгән бер кеше ҡыҙыҡһыныуын еңә алмай һорау бирә:

— Эй, бөйөк кеше, ғәфү ит һорауыма. Һин нисек һуҡыр ҡалдың?

— Мин тыумыштан һуҡырмын, — тип яуап бирә аҡыл эйәһе.

— Аҡылды ҡайҙан тупланың? Ул кәңәштәрҙе ҡайҙан алып бирәһең? — юлаусының һорауҙары дауам итте.

— Мин - астроном, — тип яуап бирә аҡыл эйәһе. — Мин ҡояшты һәм йондоҙҙарҙы күҙәтәм.

Был яуаптан юлаусы телһеҙ ҡала. Киләһе һорау һауала эленеп тороп ҡала.

— Улар бында, — тип аҡһаҡал ҡулын күкрәгенә һала.