Һаҡмар
+19 °С
Болотло
Антитеррор
Бөтә яңылыҡтар
Шиғриәт
26 Сентябрь 2022, 08:59

Көҙ нағышы

Көҙҙөң тымыҡ һары һағышына —  Нағышына көҙҙөң түҙ генә!

Көҙ нағышы
Көҙ нағышы

Йәй — йән күрке. Тотош хазина — ҡыш.
Яҙ — һабантуй. Моңһоу — көҙ генә.
Көҙҙөң тымыҡ һары һағышына —
Нағышына көҙҙөң түҙ генә!

Ә шулай ҙа көҙҙә күпме йәм бар,
Һүҙ әйтмәгеҙ, зинһар, көҙөмә.
Осар ҡоштар сәфәр сыҡҡанда мин
Асылыма ҡайтам — үҙемә.

Япа-яңғыҙ йөрөп урмандарҙа,
Һемергәндәй утлы ялҡынды.
Мул емешен йыя көҙөн кеше
Ҡояш һымаҡ алтын аҡылдың!

РӘМИ ҒАРИПОВ. 

Автор:Эльмира Киеккужина
Читайте нас: