+24 °С
Ясна
Беҙҙең халыҡта һынылышлы осорҙа бер-береңә ярҙам итеү, теләктәш булыу – ғәҙәти күренешкә әйләнгән. Мәҫәлән, Баймаҡ районында ғүмер итеүсе Илгиз Әхмәтов “Бәйләнештә” социаль селтәрендә яҡташтарына ярҙам күрһәтә башлауы тураһында белдергән.
– 1-се Этҡол, Буранбай, Сыңғыҙ, Таулыҡай, Ҡаратал, Ғүмәр, Ярат һәм Йәрмөхәмәт ауылдарынан мобилизацияға эләккән егеттәрҙең ата-әсәләренә транспорт ярҙамы кәрәк булһа (еңел машина хеҙмәте), миңә шәхсән яҙығыҙ һәм шылтыратығыҙ, – тигән Илгиз Әхмәтов. – Тәүлек әйләнәһенә эшләйбеҙ. Был хеҙмәт өсөн бер ниндәй ҙә аҡса түләргә кәрәкмәй. Бәйләнеш өсөн телефоным – 8 905 30 90 678.
Ирекмән Илгиз Әхмәтовҡа “афарин!” тиеүҙән бүтән һүҙ юҡ. Баймаҡ егете барыбыҙға ла өлгө булып тора.