Шарһыҙ үтһен был байрамдар

Мәктәп һәм балалар баҡсаларында сығарылыш кисәләре тиҙҙән уҙғарыла башлаясаҡ. Бындай саралар ғәҙәттә матур итеп биҙәлә, шунда уҡ күккә шарҙар, фонарҙәр осорола торған. Быйыл Экология министрлығы бындай биҙәү формаһынан баш тартырға саҡыра. Барыһы ла "Ҡаты коммуналь ҡалдыҡтар менән комплекслы ҡулланыу" федераль проектына бәйле. #нацпроекты

Йыл һайын федераль, төбәк һәм ҡала күләмендәге үткәрелгән күп халыҡты йыйған сараларҙа Рәсәй территорияһы буйынса һауаға миллионлаған һауа һәм гель тултырылған шарҙар осорола. Шар, билдәле булыуынса, латекстан тора, ә ул йылдар буйына серемәй ята. Уның тәбиғәткә килтергән зыяны тураһында әйтеп тораһы ла түгел. Бынан тыш күп кенә хайуандар уны ашап, ә ҡоштар шар бәйләнгән епкә сырмалып һәләк була.

Күккә осорлған фонарҙәр ҙә зарарлы. Проволканан эшләнгән каркасы ҙур булмаған хайуандарҙы һәләк итеү көсөнә эйә. Тоҙаҡҡа эләккәндәй була улар. Шулай уҡ күккә осҡан был фонарҙәр шәм ярҙамында осоп китә ала. Ә был, үҙ сиратында, урман-яландарҙа сыҡҡан күп кенә янғындарға сәбәпсе була. 2014 йылдың февраленән Рәсәй Федерацияһында күк фонарҙәрен осороу законға ярашлы тыйыла. Ә бына АҠШ, Великобиртания һәм Австралия кеүек илдәрҙә һауа шарҙарын да осороу тыйыла.

- Беҙ экологтарҙың тәҡдимен хуплайбыҙ, - ти тәбиғәт һәм экология министры Урал Искәндәров.