30 йыл стажға пенсия өҫтәп түләнә

Рәсәй Дәүләт Думаһы икенсе уҡыуҙа ауыл хужалығында эшләп хаҡлы ялға сыҡҡан пенсионерҙарға ҡағылышлы закон проектын ҡабул итте. Законға ярашлы ауыл хужалығында 30 йыл һәм унан да күберәк эшләгән хеҙмәткәрҙәргә ҡалаға күсеп йәшәүҙәренә ҡарамаҫтан, паенсияларына өҫтәмә түләү индереләсәк.

Был законды ҡабул итеүҙә инициатор булып "Берҙәм Рәсәй" фирҡәһе сығыш яһаны.

Бындай өҫтәмә түләүҙе элек ауылдан ҡалаға күсмәгән пенсионерҙар 2019 йылдан алып ала ине.Был 1.5 мең һум аҡса йәғни пенсия күләменең 25%-ы. Шуныһы, был пенсионерҙар ҡалаға күсеүе була, был түләү юҡҡа сыға торғайны. Хәҙер ул ҡайҙа йәшәүенә ҡарамаҫтан түләнәсәк.

Был законды ҡабул иткәндән һуң бар эш РФ Пенсия фондына йөкмәтеләсәк.

"Был закон проектын яҙғы сессияла тулыһынса ҡабул итергә тейештәр", - тип Байғусҡаров өҫтәне.