Түбәнге Иҙрис клубында тауыш биреү көнө ойошҡанлы бара

Ҡолсора ауыл биләмәһенә ҡараған ауылдар халҡы һәр сәйәси кампанияла ла әүҙем ҡатнаша. Был юлы ла шулай. Таһир Бурһыҡбаев етәкселегендәге Түбәнге Иҙрис һайлау участкаһында айырыуса йәнлелек хөкөм һөрә. Һайлау участкаһы Башҡорт музейы итеп биҙәлгән, унда халҡыбыҙҙың боронғо көнкүреш әйберҙәре, башҡа ҡомартҡылар урын алған. Бөгөн иртә менән ҙур йәрминкә ойошторолоп, унда ауыл халҡы шәхси хужалыҡтарында етештерелгән продукцияһын алып сыҡҡан.

10 йәш йөрәк тәүге тапҡыр тауыш биреүҙә ҡатнашты. Уларға тантаналы шарттарҙа бүләктәр тапшырылды (бүләктәр менән район вәкиле Р.Р. Яҡшыбаев ярҙам иткән).
60 йәштән үткәндәр өсөн өйҙә һайлау ойошторолдо. Әйткәндәй, 163 кеше алдан тауыш биреүҙә ҡатнашҡан. Таһир Уйылдан улы билдәләүенсә, һайлаусыларҙың барыһы ла үҙҙәренең гражданлыҡ бурысын үтәр, тигән тулы ышаныс бар.