Мишустин: рәсәйлеләр өсөн вирус менән бәйле сикләүҙәр корреторланырға тейеш

Рәсәйҙә коронавирустә таратыуға юл ҡуймаҫ өсөн күрелгән саралар планы корректорланырға тейеш. Дәүләт органдары вәкилдәре башҡа илдәрҙә вирус менән бәйле ситуацияны ла күҙ уңынан ысҡындырмай. Был турала кесаҙна көн хөкүмәт ултырышын асып, РФ премьер-министры Михаил Мишустин хәбәр итте.

Шулай уҡ Мишустин граждандарға мөрәжәғәт итеп, һаулыҡтарына айырыуса иғтибар бүлергә һәм рәсәйлеләргә башҡа кешеләр менән аралашыуҙы мөмкин тиклем кәметергә саҡырҙы. Премьер-министр белдереүенсә, коронавирус менән бәйле паникаға бирелергә кәрәкмәй. Уның һүҙҙәренә ҡарағанда, ил был хәлдән сығыу юлын табасаҡ.

"Саҡ ҡына алдараҡ РФ президенты Владимир Путин инфекцияны таратыуға юл ҡуймаҫ өсөн Дәүләт Советында эшсе төркөм булдырғайны, ә хөкүмәт янында координация советы эш башланы", - тине Министрҙар кабинеты башлығы.

Мишустин өҫтәп: "РФ Хөкүмәте коронавирусты илебеҙҙә таралыуға юл ҡуймаҫ өсөн һәм, шулай уҡ, вирустың ил иҡтисадына тәьҫире булмаһын өсөн барыһын да эшләй", - тине.