Башҡортостан - лидер!

 

49 төбәктән төҙөлгән был исемлек өскә бүленгән: лидерҙар, урта төркөм һәм артта ҡалған субъекттар. Рейтингтан тыш, 2021 йылда милли проектҡа ингән төбәктәр баһаланды. 20 күрһәткесте һанағанда хеҙмәт етештереүсәнлегенең артыуын иҫәпкә алмайҙар. Исемлекте төҙөүселәр төбәктә милли проект программаларының нисек киң ҡулланылыуын һәм нисә предприятиеның етештереүсәнлеген 5 проценттан юғарыраҡ күтәрелә алыуын ҡараны.

 

 

Рейтинг лидеры йыл һайын үткәрелеп килгән «Етештереүсәнлек 360» федераль форумын үҙендә ҡабул итеү хоҡуғына эйә була. Был һаҡсыл етештереү өлкәһендә тәжрибә уртаҡлашыу һәм хеҙмәт етештереүсәнлеген арттырыуҙың иң яҡшы тәжрибәләрен таратыу өсөн илдәге төп майҙансыҡ.

 

БР Хөкүмәтенең беренсе Премьер-министры - БР иҡтисади үҫеш һәм инвестиция сәйәсәте министры Рөстәм Моратов хәбәр итеүенсә, «Хеҙмәт етештереүсәнлеге» милли проектында ҡатнашыу ваҡытында Башҡортостан предприятиелары процестарҙың һөҙөмтәлелеген ярайһы уҡ күтәреүгә һәм «проблемалы» урындарҙы бөтөрөүгә өлгәшә алды. Милли проектта ҡатнашыусыларға ярҙам итеү сараларына республика өҫтәмә рәүештә финанс ярҙамы (эксперт адреслы ярҙамы, идара итеү оҫталыҡтарын күтәреү программаһы буйынса уҡытыу, экспорт баҙарына сығыу юлы) һәм финанс ярҙамы (инвестицион һалым ҡайтармаһын күрһәтеү, льготалы займдар) тәҡдим итте. Төбәк ҡатнашыусыларға ҡорамал һатып алыуға сығымдарҙың бер өлөшөн ҡаплау буйынса 20 миллион һум күләмендә субсидия бүлгән. Аҡсаны 12 предприятие алған да инде.

 

 

Башҡортостан предприятиелары уңышлы ғәмәлдәр тәжрибәһе менән уртаҡлашыуға ыңғай ҡарай. Мәҫәлән, «ОЗНА-Инжиниринг фәнни-етештереү предприятиеһы» яуаплылығы сикләнгән йәмғиәтенең «Хеҙмәт етештереүсәнлеге» милли проектында ҡатнашыусы «Иң яҡшы остазлыҡ тәжрибәләре - 2021» конкурсының федераль этабында «Хеҙмәт етештереүсәнлеген арттырыу өлкәһендә остазлыҡ» номинацияһында икенсе урын яуланы. Конкурс остазлыҡтың практик тәжрибәһен асыҡларға һәм таратырға, өлкән коллегаларҙан йәш белгестәргә практик тәжрибә тапшырыуҙың, белемдең мөһимлеген күрһәтергә мөмкинлек бирә. Быйыл ул тәүге тапҡыр уҙғарылды.

 

 

Белешмә өсөн:

«Хеҙмәт етештереүсәнлеге» милли проекты Рәсәй Президенты Владимир Путиндың 2018 йылда май указына ярашлы раҫланды һәм 2024 йылға илдә хеҙмәт етештереүсәнлеген йыл һайын 5 процентҡа арттырыу өсөн шарттар булдырыуға йүнәлтелгән.

Башҡортостан Республикаһында «Хеҙмәт етештереүсәнлеге» милли проекты сараларын тормошҡа ашырыу буйынса координатор һәм яуаплы башҡарыусы булып БР Иҡтисади үҫеш һәм инвестиция сәйәсәте министрлығы тора.

«Хеҙмәт етештереүсәнлеге» милли проекты тураһында күберәк белергә һәм ҡатнашыуға ғаризаны производительность.рф порталында бирергә мөмкин.

Хеҙмәт етештереүсәнлегенең яҡынса рейтингын йыл дауамында - 30 апрелдә, 31 августа һәм 31 декабрҙә әҙерләйәсәктәр. Йомғаҡлау рейтингы киләһе йылдың 15 декабренә тиклем бара. Был хеҙмәт етештереүсәнлеген иҫәпләү методикаһы менән бәйле.