Әрем еҫе, әрем тәме

1. Ҡайтһам тыуған яҡтарыма,

Сыҡһам әгәр болондарға.

Әрем еҫе, әрем тәме

Элек йөрөгән урындарҙа.

Ҡушымта;

Тынғы бирмәй әремдәрҙең

Әле еҫе, әле тәме,

Мине генә әрнетәме

Әрем еҫе, әрем тәме!?

2. Шул әремдәр еҫе тула,

Һағыш тигән яраларға.

Яндарымда берәү ҙә юҡ,

Яраларҙан араларға.

Ҡушымта; шул уҡ.

3. Яҙмыштарҙың бар асылы

Әллә инде әремдәме?

Әллә инде мин үҙемдә

Шул әремдәр хәлендәме?