Ни өсөн ҡырҡаһың?

Бер ир ҡатынының сосискиларҙың ике яҡ осон ҡырҡып ҡурғанына иғтибар итә.

― Ҡәҙерлем, ни өсөн һин сосискиларҙың осон ҡырҡып ҡураһың ул? ― тип һорай ҡуя.

― Әлләсе? Әсәйем гел ҡырҡып ҡура торғайны. Шуға мин дә ҡырҡып ҡурам, ― тип йәш ҡатын яуап бирә. 

Йәш ҡатындың үҙенә лә ҡыҙыҡ булып китә. Шуға ла әсәһенән һорарға булып китә.

― Әсәй, ниңә һин гелән сосискиларҙың осон ҡырҡып, һуңынан ҡураһың ул?  ― тип һорай. 

― Әлләсе! Миңә бешеренергә өләсәйең өйрәтте. Ул да гел осон ҡырҡып ҡура ине, ― тип әсә кеше яуап бирә. 

Әсәле-ҡыҙлы һорауға яуапты өләсәһенән һорарға булып китәләр. Өләсәһе креслола телевизор ҡарап ойоп киткән икән. Уятырға тура килә.

― Өләсәй! Ни эшләп һин ҡурыр алдынан сосискиларҙың осон ҡырҡа инең? ― тип һорайҙар. 

― Әлләсе! Минең әсәйем шулай итте, ― тип яуаплай ҙа инде үлем түшәгендә ятҡан ҡарт өләсәләре янына ашығалар. 

― Әсәй, һин ни өсөн сосискиның осон ҡырҡып ҡура торғайның? ― тип өләсәләре һүҙ башлай.

Аптырап киткән әбей үҙен уратҡан туғандарына ҡарай ҙа: 

― Һеҙҙең табағыҙ ҙа бәләкәйме әллә? ― тип һорай...