Ҡатын бөгөн йоҡлаған...

«Сәсрәп китһен донъяһы!» - тип,

Ҡатын бөгөн йоҡланы.

Иртән һыйырын һауманы,

Хатта көтөү ҡыуманы.

Һөтһөҙ ҡалған ас быҙауҙар

Баҡырышты, туланы.

Туғыҙҙа торған иренә

Ҡайнар сәй ҙә булманы.

Ҡыҙҙың сәсе үрелмәне,

Йыйылманы йорт-ҡура.

Хатта бахыр тауыҡтар ҙа

Ас килеш бикле тора.

Ахрызаман еткән өйҙә:

Киткән кеүек йорт ҡото.

Ғүмергә бер тәүге тапҡыр

Йоҡо туйҙырған ҡатын.

Гөлнур Ҡыуатова