Лайыҡлы баһа

Лайыҡлы баһа

Бөгөн район хакимиәтендә үткән оператив кәңәшмәлә хакимиәт башлығы Фәнис Әминев “Баймаҡ” мәғлүмәт-консультация үҙәге директоры Булат Юламановҡа “Ватанды һаҡлаусылар” махсус хәрби операцияла ҡатнашыусыларға дәүләт ярҙамы фондының Башҡортостан Республикаһы буйынса филиалының Почет грамотаһын тапшырҙы.

-Булат Иштуған улы бындай хөрмәткә хәрби-патриотик хәрәкәттә әүҙем ҡатнашҡаны, Рәсәй ҡаһарманлығы тарихы тураһындағы хәтерҙе һаҡлауға ҙур өлөш индергәне һәм әүҙем гражданлыҡ позицияһы өсөн лайыҡ булды, - тине тәбрикләү тантанаһында Фәнис Ғәбдрәшит улы. - Ысынлап та, ул районда үткәрелгән хәрби-патриотик сараларҙа әүҙем ҡатнаша, “Хәрби туғанлыҡ” хәрәкәтенә үҙенең тос өлөшөн индерә. Афарин, артабан да эште ошо юҫыҡта дауам итергә яҙһын!

Лайыҡлы баһа, ҡотлайбыҙ!

Азамат Мөхәмәтшин.