Өфөлә Мортаза Рәхимовҡа дүрт метр бейеклектәге һәйкәл ҡуйыласаҡ
«РБК-Уфа» порталы хәбәр итеүенсә, беренсе Президентҡа һәйкәл ҡуйыу дәүләт экспертизаһы тарафынан хупланған. Дүрт бейеклектәге һәйкәлде баш ҡаланың Ленин паркындағы ике фонтан араһында, Дәүләт Йыйылышы - Ҡоролтай бинаһы алдында ҡуйыу планлаштырыла.
«М. Ғ. Рәхимовтың бронза һәйкәле майҙан уртаһында ике баҫҡыслы гранит постаментта урынлашасаҡ. Уның артында монументаль ҡоролма, байраҡ ҡуйыласаҡ, мансур граниты башҡорт биҙәктәре менән биҙәләсәк», — тигән аңлатма бирелә һәйкәлдең проектында.
Мемориалды Мәскәү скульпторы, Миңлеғәле Шайморатов һәйкәле авторы Салауат Щербаков эшләр тип көтөлә.
+7 °С
Болотло
