Берәй аҙнанан календарь буйынса ысын ҡыш етә. Декабрь ниндәй буласаҡ? Ә ғинуар? Февралдә нимә көтөргә? Метеорологтар үҙ фараздарын әҙерләгән дә инде.
Метеорология һәм мониторинг буйынса Башҡортостан идаралығының синоптиктары белдереүенсә, декабрь ғәҙәттәгенән һалҡыныраҡ буласаҡ. Декабрь айы өсөн -10,8 градус норма булып һаналһа, ҡыштың тәүге айында һауа температураһы тағы ла түбәнерәк буласаҡ, тип күҙаллана. Декабрб буйы ҡар яуасаҡ. Айҙың беренсе декадаһында көн аяҙлы-болотло буласаҡ. 3 декабрҙән ҡапыл һыуытасаҡ – һауа температураһы -21 градусҡа барып етәсәк.
Декабрҙең икенсе декадаһында һауа температураһының тағы ла түбәнәйеүе көтөлә. Ҡар яуасаҡ.
Өсөнсө декадаһында да һалҡын һауа торошо һаҡланасаҡ. Көндөҙ -3-15 градус һыуыҡ булһа, төнөн һауа температураһы -23 градусҡа тиклем түбәнәйәсәк. Шулай уҡ ҡар яуып торасаҡ.
Ғинуар өсөн -12,5 градус норма булып тора. Был айҙа һауа температураһы шул тирәлә һаҡланасаҡ.
Февралдә лә һауа температураһы норма булып һаналған 11,7 градус тирәһе буласаҡ.
Фото асыҡ сығанаҡтан алынды:2400x1602_775004_[www.ArtFile.ru]