Баймаҡта боҙ һарайы буласаҡ!
Башҡортостан Башлығы “Башинформ” агентлығына биргән интервьюһында республикала спорт объекттары төҙөлөшө хаҡында мәғлүмәт бирҙе. Радий Хәбиров быйыл Октябрьск ҡалаһында боҙ һарайы файҙаланыуға тапшырыласаҡ һәм Баймаҡта төҙөлә башлаясаҡ, ә Мәсәғүттә проект эштәренә тотонасаҡтар, тип белдерҙе. Был объекттар мотлаҡ төҙөлөп бөтәсәк, сөнки спорт беҙҙең өсөн бик мөһим, тип белдерҙе.
Иҫегеҙгә төшөрәбеҙ, “Баймаҡ-Арена” боҙ аренаһын төҙөү тураһында ҡарар 2020 йылда ҡабул ителә. Ул Өфө яғыулыҡ колледжының Баймаҡ филиалы, “Труд” стадионы эргәһенд урынлашасаҡ.Уның дөйөм майҙаны 3,6 мең кв м тәшкил итәсәк. Проект хаҡы – 200 млн һум. Боҙ аренаһы хоккей, фигуралы шыуыу, шорт-трек кеүек спорт төрҙәрен үҫтереүгә мөмкинлек бирәсәк.