ҒАРИЗА ЯҘЫУ ВАҠЫТЫ БИЛДӘЛЕ БУЛДЫ

Уҡыусы балаларға Рәсәй Президенты вәғәҙә иткән 10 мең һумлыҡ түләүҙәр өсөн ғариза яҙыу ваҡыты билдәле булды.

Ағымдағы йылдың 15 июленән 31 октябргә тиклем дистанцион рәүештә дәүләт хеҙмәттәре порталында (бер ниндәй ҙә белешмә кәрәкмәй) йәки йәшәгән урын буйынса пенсия фондына барып ғариза яҙырға була.

Иҫегеҙгә төшөрәбеҙ был түләүҙәр 6 йәштән 18 йәшкә тиклемге балаларға тәғәйенләнә. Шулай уҡ был түләүҙәр 18-23 йәшкә тиклемге һаулыҡтары буйынса мөмкинлектәре сикләнгән уҡыусыларға ла ҡағыла.

Шуны белеп ҡуйығыҙ - был төр түләүҙәр 6 йәштән 18 йәшкә тиклемге балалары булған ғаиләләргә тейешле. Әгәр ҙә 2021 йылдың 1 сентябренә тиклем балағыҙға 6 йәш тулһа, һеҙ ҙә аҡса алыу хоҡуғына эйәһегеҙ.

Сығанаҡ: "Башҡортостаным"