Урғаҙала йорттар ремонтлана

Республика Башлығы Радий Хәбировтың беҙҙең районға һуңғы сәфәре барышында һәм уның ҡушыуы буйынса Урғаҙа ауылында Октябрҙең 70 йыллығы һәм Коммунистик урамдарҙағы ике күп фатирлы йорттоң биш подъезында капиталь ремонт башланды. Бөгөнгә Коммунистик урамының 11-се йортондағы подъездар ремонтланды. Тәҙрәләр, алғы ишектәр, почта йәшниктәре, баҫҡыс яндауырҙары алмаштырылды, подъезда диуарҙар тигеҙләтелде һәм биҙәлде. Октябрҙең 70 йыллығы урамындағы 2-се йорттағы өс подъезда ремонт дауам итә.