ЭКСПОРТЕРҘАР ЙЫЙЫЛДЫ

#национальныепроекты; #нацпроекты; #региональныепроекты;#регпроекты; #нацпроектыБашкортостан; #ВладимирПутин

“Торатау” конгресс-холында Башҡортостан экспортерҙар клубының тәүге ултырышы үтте. Клуб бизнес менән властың үҙ-ара килешеп эш итеүе өсөн майҙан, шулай уҡ эшҡыуарҙар араһында тышҡы иҡтисади хеҙмәттәшлек буйынса тәжрибә һәм кейстар уртаҡлашыу ҡоралы ла булып торор, тип күҙаллана.

БР Экспортерҙар клубы булдырыу хаҡында ҡарар 2020 йылдың декабрь аҙағында ҡабул ителә.

Тәүге ултырышта халыҡ-ара электрон сауҙа майҙандары аша тауар һатыу хаҡында фекер алыштылар. Электрон сауҙа өлкәһендә федераль эксперттар һуңғы трендтар һәм эш үҙенсәлектәре хаҡында һөйләне.

БР Экспортерҙар клубына бәләкәй һәм урта эшҡыуарлыҡ ойошмалары инә ала. Бының өсөн БР Экспортҡа ярҙам үҙәгенә exportcenter@bashkortostan.ru йәки subhangulova.r@bashkortostan.ru электрон почталары, шулай уҡ 8(347) 246-83-92, 246-68-16, 8(917)420-30-14 телефондары буйынса мөрәжәғәт итергә кәрәк. Программа “Халыҡ-ара кооперация һәм экспорт” милли проекты сиктәрендә тормошҡа ашырыла.

Фото – БР Тышҡы иҡтисади бәйләнештәр буйынса дәүләт комитетының матбуғат хеҙмәте.

Яңылыҡ сығанағы: «Башҡортостан ҡыҙы»