+12 °С
Ямғыр
Бөтә яңылыҡтар
Рәсми бүлек
24 Февраль 2021, 11:50
БАШҠОРТОСТАН ЕТӘКСЕҺЕ «УҢАЙЛЫ ИНТЕРНЕТ» ПРОЕКТЫНЫҢ ЯҢЫ ҺӨҘӨМТӘЛӘРЕ ТУРАҺЫНДА ХӘБӘР ИТТЕ
#нацпроект
Башҡортостан Башлығы Радий Хәбиров социаль селтәрҙә республикала «Уңайлы интернет» программаһының нисек ғәмәлгә ашырылыуын хәбәр итте.
Хәтерегеҙгә төшөрәбеҙ, «Уңайлы интернет» төбәк проектының инициаторы – республика хөкүмәте һәм «Башинформсвязь» йәмғиәте.
Күләмле проекттың төп маҡсаты – ауылдарҙа йәшәүселәрҙең интернет булмау мәсьәләһен хәл итеү, тип билдәләнеләр хөкүмәттә.
«Уңайлы интернет» программаһы буйынса Көйөргәҙе районы Яңы Муса һәм Белорет районы Уҫманғәле ауылдарын тапшырҙыҡ», — тип хәбәр итте Радий Хәбиров.
Әлеге ваҡытта Башҡортостандың 30 ауылында төҙөлөш эштәре алып барыла. Проект, сүсле-оптик технологиялар ҡулланып, 262 бәләкәй ауылда бүлеү селтәрҙәре төҙөүҙе күҙ уңында тота.
«Быны дәүләт-шәхси партнерлыҡ сиктәрендә эшләйбеҙ. Сығымдарҙың яртыһын «Башинформсвязь» йәмғиәте үҙ өҫтөнә ала, — тип билдәләне республика етәксеһе. — Изоляция тәртибе һәм дистанциялы уҡытыу беҙгә көсһөҙ урындарҙы күрһәтте. Хатта ниндәйҙер кимәлдә рәхмәтлемен был хәлгә. Хәҙер аныҡ маҡсат – ауылдарыбыҙға интернет үткәреү. Тиҙлекле интернет, IP-телевидение һәм IP-телефония – республикала һәр кем ҡуллана алырлыҡ заманса минимум».
Был проекттың үҙенсәлеге шунда: интернет ауылға ғына түгел, ә граждандарҙың ғаризаһы буйынса һәр йортҡа еткерелә. Башҡортостанда бөтәһе 100 мең кешене һәм 40 меңгә яҡын йортто интернет менән тәьмин итеү күҙаллана.
Фото: социаль селтәрҙәр
Читайте нас:
© 2024
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838