Пенсия ла, Әсәлек капиталы ла арта

Рәсәйҙә Яңы йылдың тәүге көндәренән бер нисә яңы закон үҙ көсөнә инде. Пенсия, Әслек (Ғаилә) капиталы индексациялана. Шулай уҡ “Хеҙмәткә түләүҙең минималь күләме (МРОТ) арта һәм ул 12 792 һумға барып етәсәк (быға тиклем 12 130 һум ине).

Эшләмәүсе пенсионерҙарға ла түләү арта. Йыл башынан уның күләме 6,3 процентка өҫтәлә. Шулай уҡ Әсәлек капиталы ла индексациялана – 3,7 процентка артасаҡ. Шул рәүештә беренсе балаға түләнә торған аҡса 483,8 мең һумға етәсәк (бөгөн уның күләме – 466,6 мең һум). Икенсе балаға – 639,4 мең һум (хәҙер – 616,6 мең һум) биреләсәк.