Аҙашҡандар

Уҙған йылдың аҙаҡҡы көндәрендә Әбйәлил районындағы ҡотҡарыу хеҙмәтенә ярҙам һорап шылтыратыу килә. Үҙен Виктория тип танытҡан ҡатын дүрт йәшлек балаһы менән Яңауыл ауылы янындағы урманда аҙашыуын белдерә. Шылтыратыу сим-картаһыҙ телефондан була.Урманда аҙашҡандарҙы эҙләп табыу өсөн тиҙ арала ойошҡан төркөм (райондың 50 полиция хеҙмәткәре, ете ҡотҡарыусы һәм шул тиклем үк ирекмәндән торған команда) ярҙамға ташлана. Шулай булмай ни, ҡышҡы урманда, өҫтәүенә, бәләкәс бала менән урманда... Шуның өсөн дә ҡотҡарыусылар бер минутты ла юғалтмай, юлға сыға.Ҡыҙғанысҡа ҡаршы...

Добавить в предпочтительные источники Google

Уҙған йылдың аҙаҡҡын көндәрендә Әбйәлил районындағы ҡотҡарыу хеҙмәтенә ярҙам һорап шылтыратыу килә. Үҙен Виктория тип танытҡан ҡатын дүрт йәшлек балаһы менән Яңауыл ауылы янындағы урманда аҙашыуын белдерә. Шылтыратыу сим-картаһыҙ телефондан була.

Урманда аҙашҡандарҙы эҙләп табыу өсөн тиҙ арала ойошҡан төркөм (райондың 50 полиция хеҙмәткәре, ете ҡотҡарыусы һәм шул тиклем үк ирекмәндән торған команда) ярҙамға ташлана. Шулай булмай ни, ҡышҡы урманда, өҫтәүенә, бәләкәс бала менән урманда... Шуның өсөн дә ҡотҡарыусылар бер минутты ла юғалтмай, юлға сыға.

Ҡыҙғанысҡа ҡаршы... шылтыратыу ялған булып сыға. Ҡыҙға ла, балаға ла бер ниндәй ҙә ҡотҡарыу хеҙмәте талап ителмәгән. Улар менән барыһы ла яҡшы. Хәҙер иһә кемдең һәм ни өсөн шулай уҫал шаяртҡанын асыҡларға ҡала. Тикшереү эштәре тамамланғандан һуң, ғәйепле кешегә яуап бирергә тура киләсәк.

Иҫегеҙҙә тотоғоҙ: ялған хәбәр менән шылтыратыусылар мотлаҡ асыҡлана һәм улар закон алдында яуап бирәсәк.

Фото асыҡ сығанаҡтарҙан алынды.

Читайте нас