Тағы ла янғын!

Күршеләрҙә фажиғә. Бөгөн төндә 11 кеше янып үлгән!

"Бөгөн ҙур фажиғә теркәлде. Әбйәлил районының Ишбулды ауылында мәрхәмәтлелек йортонда йәшәгән 11 кеше янып һәләк булды. Урында ғәҙәттән тыш хәл режимы иғлан ителде", - тип социаль селтәрҙәге сәхифәһендә хәбәр итә Әбйәлил районы башлығы Илдар Нафиҡов.

Ут төнгө сәғәт 3 тула 7 минутта башлана. Асыҡ ут 5-се яртыла, ә тулыһынса 6-ла һүндерелә. Бинала 16 кеше булған. 5 кешене ҡотҡарып өлгөргәндәр.

Тәфтиш комитеты енәйәт эше ҡуҙғатҡан. Әле ваҡытта тикшереү эштәре бара.

Фото асыҡ сығанаҡтан алынды.