Ҡотҡарыу хеҙмәттәре әҙер!

Бөгөн Баймаҡ ҡалаһының үҙәк майҙанында кеше ғүмерен һәм һаулығын ҡотҡарыуҙа хеҙмәт иткән хеҙмәттәрҙең смотры үтте. Район хакимиәте башлығы Фәнис Әминев “Ғәҙәттән тыш хәлдәрҙе иҫкәртеү һәм уларға юл ҡуймау буйынса берҙәм дәүләт системаһы Башҡортостан территориаль бүлеге” нең (БТС РСЧС) Баймаҡ звеноһы көстәре һәм средстволарының әҙерлеген ҡараны. Смотр йомғаҡтары буйынса ҡотҡарыусылар ҡышҡы шарттарҙа эшләргә тулыһынса әҙер, тип билдәләнде.

Ҡотҡарыусылар ярҙамға килергә әҙер. Бары тик беҙгә уларға мөрәжәғәт итергә тура килмәһен. Барыбыҙ ҙа һау-сәләмәт булайыҡ! Донъялар имен торһон! Хәүефһеҙлек сараларын үҙебеҙ ҙә теүәл күҙәтәйек.