6-сы класс уҡыусыһынан еңелдем. . .

"Баймаҡта алтынсы класс уҡыусыһы менән шахмат уйнап еңелдем. Яңылышмаһам, 15 йыллап ҡулыма шахмат алғаным булмағандыр. Иҫләрмен, уйнармын, тип уйлаған инем. Ләкин Искәндәр Фәизов миңә мөмкинлек ҡалдырманы. Ул - шахмат буйынса Рәсәй һәм Башҡортостан чемпионы. Унан еңелеү минең өсөн оят түгел. Әлбиттә, ҡайтанан уйнап өйрәнергә кәрәк, Остап Бендерға оҡшамаҫ өсөн))). . . ", - тип яҙа Башҡортостан Республикаһы Башлығы Радий Хәбиров үҙенең социаль селтәрендәге сәхифәһендә Баймаҡта булып ҡайтҡан эш сәфәренән һуң.

Фото: Радий Хәбировтың сәхифәһенән алынды