Беренсе урын - Темәс музейында!

Билдәле булыуынса, 2020 йыл республикала Зауыҡлы биләмәләр йылы, тип иғлан ителгән ине. Ошо уңай менән Башҡортостан Милли музейы августа “Музей ихатаһы” тигән интернет-конкурс ойошторҙо.

Конкурс шарттарына ярашлы, музейҙар бер ай буйына социаль селтәрҙәге төркөмдәрендә #музейныйдворикРБ хештегы менән ихата күренештәре һынландырылған фотоһүрәттәрен һалып барҙы. Иң күп “лайк” йыйған 10 музей бәйгенең еңеүселәре иҫәбенә инде.

Башҡортостандың иң матур ихаталы музейҙары исемен Темәс тарих һәм тыуған яҡты өйрәнеү музейы яуланы. “Бәйләнештә” селтәрендә 247 тауыш йыйған.

2-се урында - Благовещен тарих һәм тыуған яҡты өйрәнеү музейы, 236 тауыш йыйған.

3-сө урында Көйөргәҙе районының Кинйә Арыҫланов музейы - 225 тауыш туплаған.

Фото республиканың Милли музейы сайтынан алынды.