Үс итеп, ут төртөргә лә ҡурҡмайҙар

Уҙған аҙнала Баймаҡ ҡалаһы һәм районы буйынса 7 янғын осрағы теркәлгән.

25 июлдә Иҫке Сибайҙа бер хужалыҡтың бесәненә ут төртәләр.

27 июлдә Түбә - Һаҡмар ауылы араһында ҡоро үлән яна.

30 июлдә Һаҡмар ауылында тәбиғәт янғыны теркәлә.

1 августа Иҫке Сибайҙа, мейескә үтә лә артыҡ яғыу сәбәпле, мунса янып китә.

2 августа Темәстә бесәнгә ут тоҡана, сәбәптәре асыҡлана. Ошо уҡ көндө Байымда, электр сымдарының ҡыҫҡа тоташыуы арҡаһында, мунса яна. Иҫке Сибай ауылынан 6 километр алыҫлыҡта тағы ла бер тәбиғәт янғыны теркәлә.