Милли проекттар үтәлеше контролгә алына

Башҡортостан Республикаһы Башлығы Радий Хәбиров милли проекттар үтәлешен тикшереү буйынса кәңәшмәлә ҡатнашты. Башҡортостан юлдаш телевидениеһы хәбәр итеүенсә, кәңәшмәне видеоэлемтә аша Рәсәй Именлек советы секретары Николай Патрушев һәм Рәсәй Президентының Волга буйы федераль округындағы тулы хоҡуҡлы вәкиле Игорь Комаров алып барған. Унда бюджет аҡсаһын ҡулланыуҙы һәм милли проекттарҙы тормошҡа ашырғанда аҡса урлашыуҙы булдырмау мәсьәләләрен айырым контролгә алыу кәрәклеге һыҙыҡ өҫтөнә алынған. Төбәктәргә хоҡуҡ һаҡлау һәм күҙәтеү органдары менән эшмәкәрлекте көйләү бурысы ҡуйылған.