Урман янғындарын булдырмайыҡ

20 апрелдән Башҡортостан биләмәһендә республика урмандарында янғын йәһәтенән хәүефле миҙгел башланды, тип хәбәр итте урман ведомствоһының матбуғат хеҙмәте. Көндәр йылытыу менән республикала термонөктәләр майҙаны һәм һаны артты.

Хәтерегеҙгә төшөрәбеҙ, 2019 йылда республиканың урман фонды биләмәһендә 2232 гектар майҙанда 160 урман янғыны, шул иҫәптән 1134 гектар майҙанда 11 ҙур янғын теркәлде. Урман янғындарын һүндереүгә 3276 кеше һәм 1018 берәмек техника йәлеп ителде, был — урман янғындарын һүндереү планынан 34 %. 160 урман янғынының 133-ө беренсе тәүлектә үк һүндерелде. 74 янғындың сәбәбе – антропоген фактор, шуларҙың 32 осрағы — халыҡтың ут менән һаҡһыҙ ҡыланыуы. 82-һенә — тәбиғи факторҙар, өсәүһенә – техноген фактор сәбәпсе булды, береһенең сәбәбе билдәһеҙ. Урман янғындарын һүндереү эштәрен башҡарыуға сығымдар 6 миллион һум тәшкил итте.

http://www.bashinform.ru/news/1441539-v-minleskhoze-bashkirii-obyavili-o-nachale-pozharoopasnogo-sezona/