Сибайҙа - янғын!

Кисә Сибай ҡалаһының сүп-сар полигонында янғын сыҡҡан. Көслө ел арҡаһында ут йәшен тиҙлегендә тирә-яҡты ялмап ала. Тиҙ арала янғын-һүндереүселәр килеп етә. Ләкин хәүеф айырыуса ҙур булыу сәбәпле, өҫтәмә көс саҡырырға мәжбүр булалар.

Уттың тирә-яҡҡа таралыуын, бигерәк тә ҡала халҡының баҡса участкаларына тоҡаныу ихтималлығы ҙур була. Сибайҙарға Баймаҡ ҡалаһынан, шулай уҡ күрше Төйәләҫ ҡасабаһының ирекле янғын һүндереүселәре ярҙамға килә. Баҡсасылар ҙа ситтә ҡалмай, утты һүндерешеүҙә ярҙам күрһәтәләр. Сибай ҡалаһының ойошма-предприятиеларынан ярҙамға техника ебәрелә. Улар тирә-яҡты ситләтеп һөрөп, бураҙна һала, ҡом ташып, уттың юлын быуа. Янғынды һүндереүгә 31 техника һәм 55 кеше йәлеп ителә. Ут яҡынса 2 мең кв.метр майҙанды ялмап алған була. Өҫтәүенә, 13-сө баҡса хужалығының ҡайһы бер участкаларына зыян килтерелелә.

Янғын сығыу сәбәптәре асыҡлана.

Фото: zen.yandex.ru