Юлдарға камера ҡуйыла

Юл хәрәкәте ҡағиҙәләрен боҙоуҙы теркәү, шуның менән хәүефһеҙлек сараларын күреү маҡсатында, республиканың 27

район һәм ҡалаһында фото һәм видеокомплекстар урынлаштырылды. Иң күбе Асҡын, Ауырғазы, Әлшәй, Бөрө, Йәрмәкәй, Мәсетле, Дыуан райондары һәм Сибай ҡалаһы юлдарында ҡуйылды. Комплекстарҙың ҡайһы урында булыуын Транспорт һәм юл хужалығы буйынса дәүләт комитеты сайтына инеп ҡарарға була.

Мәғлүм булыуынса, ундай камералар Баймаҡ урамдарында ла бар.

Быйыл республика юлдарында 600 камера ҡуйылырға тейеш. Әле 500 комплекс эшләй.