Мәктәптәр юғары тиҙлекле интернетҡа тоташа

Башҡортостан Республикаһында мәктәптәрҙе юғары тиҙлектәге интернетҡа тоташтырыу эштәре дауам итә. Был сара уҙған йылда уҡ башланған ине. Уны иһә 2021 йылда тамамлау маҡсаты ҡуйыла.

Бөгөн республиканың 1318 мәктәбенең 93-ө интернетҡа тоташтырылмаған. Күп мәктәптәрҙә бындай уңайлыҡтың булмауы хәлде ҡатмарлаштыра. Айырыуса бөгөн - ситтән тороп белем алыу системаһы индерелгән осорҙа.

Владимир Путиндың Указы буйынса Башҡортостанда «Һанлы иҡтисад» милли проекты сиктәрендә сүс-элемтә һыҙаты төҙөлөшө дауам итә. Уның күп проблемаларҙы хәл итәсәге көн кеүек асыҡ.

Фото: tarifnik.ru/Уфа