Баймаҡта ла дезинфекция эштәре бара

Баймаҡ ҡалаһындағы барлыҡ йәмғиәт урындарында - аллея, сквер, парктарҙа дезинфекция эштәре башланды. Шулай уҡ күп ҡатлы йорттарҙың подъездарында, балаларҙың уйын майҙансыҡтарында ла шундай уҡ саралар күрелә. Беренсе сиратта, барлыҡ бындай эштәрҙе атҡарып сығыу яуаплылығы "УКЖФБ" яуаплылығы сикләнгән йәмғиәт хеҙмәткәрҙәренә һалынған. Ошо көндәрҙә улар үҙҙәренең ҡарамағындағы йорттарҙы йөрөп сыҡты. Дезинфекциялау эштәре даими башҡарыласаҡ.

Профилактик сараларҙы үҙебеҙ ҙә атҡарып сыға алабыҙ. Ишектәрҙе, тотҡаларҙы даими һөртөп торайыҡ. Ни тиһәң да, һаулығыбыҙ үҙебеҙ өсөн.