Медицина хеҙмәткәрҙәренә өҫтәмә түләү буласаҡ

Башҡортостан Республикаһы Башлығы Радий Хәбиров коронавирус менән ауырыусыларға ярҙам күрһәткән медицина белгестәренә айырым түләүҙәр тураһындағы указға ҡул ҡуйҙы. Уға ярашлы врачтар айына өҫтәмә - 25 мең һум, шәфҡәт туташтарына – 15, санитарҙарға 5 мең һум түләнәсәк. Бынан тыш коронавирусҡа шикле пациенттар менән эшләгән медицина белгестәренә премия ҡаралған.

Быларҙың барыһы ла халыҡ именлеге, һаулығы хаҡына, коронавирусты профилактикалау маҡсатында башҡарыла. Күрәһегеҙ, ауырыуҙың таралыуына юл ҡуймау өсөн Хөкүмәт тарафынан барыһы ла башҡарыла. Үҙебеҙ ҙә һаҡланыу сараһын теүәл үтәйек.