Бер тәүлектә 37 янғын сыҡҡан, 4 кешенең ғүмере өҙөлгән

Уҙған тәүлектә Башҡортостанда 37 урында янғын сыҡҡан. Ҡыҙғанысҡа ҡаршы, байрам көндәре күңелһеҙ статистиканан башланды. Утта 4 кешенең ғүмере өҙөлгән. Баш ҡалала Собинов урамындағы йортта сыҡҡан янғынды һүндергәндә ике кешенең үле кәүҙәһе табылған. Ошондай уҡ хәл Бәләбәй, Асҡын райондарында ла теркәлгән.Айырыуса байрам саралары ойошторолған, халыҡ күпләп йыйылған урындарҙа хәүефһеҙлек сараларын күҙәтеү мотлаҡ. Ҡотҡарыусылар ут менән һаҡ буларға саҡыра. Улар шулай уҡ һауа торошоноң насарайыуы хаҡында ла иҫкәртә. 1 һәм 2 ғинуарҙа кискә республиканың көньяҡ райондарында көслө ҡар яуыуы, боҙлауыҡ булыуы көтөлә.