Инвестиция һәм эшҡыуарлыҡ шарттарын яҡшыртыу мөһим

Башҡортостан Башлығы Хакимиәте етәксеһе Александр Сидякин рәйеслегендә Инвестиция һәм эшҡыуарлыҡ шарттарын яҡшыртыу буйынса проект офисы ултырышы булды.

Сарала республика башҡарма власть органдары, төбәктәге үҫеш институттары, эшлекле берекмәләр һәм бизнес берләшмәләре вәкилдәре ҡатнашты. Бизнес һәм инвестициялар өлкәһендә Берҙәм портал, “Минең бизнесым”, Өфөлә “Киләсәк фабрикаһы” коворкинг-үҙәге төҙөлгән. Киләһе йыл муниципаль берәмектәрҙә 12 яңы коворкинг эшләй башлаясаҡ. 2020 йылдың тәүге яртыһында ошондай туғыҙ үҙәк асыу күҙаллана.