Хәүефһеҙлек сараһын күрәйек

1994 йылдың 21 декабрендәге “Янғын хәүефһеҙлеге тураһында”ғы федераль законға һәм 2003 йылдың 6 октябрендә үҙ көсөнә ингән “РФ-та урындағы үҙидара органдарын ойоштороуҙың дөйөм принциптары тураһында”ғы федераль законға таянып һәм район һәм ҡалала янғын хәүефе артыуын иҫәпкә алып, район хакимиәте башлығы үҙенең махсус бойороғон булдырҙы. Уға ярашлы, учреждение, ойошма, предприятие етәкселәренә, ауыл биләмәләре башлыҡтарына хеҙмәткәрҙәр иҫәбенән ирекле янғын һүндереү командалары булдырыу, тәүлектең ҡараңғы осоронда объект биләмәһендәге янғын гидранттары, баҫҡыстар, янғын һүндереү ҡоролмалары урынлашҡан урындарҙа тышҡы яҡтыртыуҙы ойоштороу бурысы ҡуйыла. Янғын һүндереү машиналарына тотҡарлыҡһыҙ үтеп инеү мөмкинлеге булдырыу, биналарҙа янғын хәүефһеҙлеген тәьмин итеү, уттан һаҡланыу сараларын аңлатҡан күргәҙмә материалдарынан стенд эшләү мөһим. Ауыл биләмәләре ултырыштарында янғын хәүефһеҙлеге мәсьәләләрен тикшерергә; “Торлаҡ” профилактик операцияһы сиктәрендә һәр өйҙә булырға, бигерәк тә яңғыҙ йәшәгәндәрҙең, хәүефле һәм күп балалы ғаиләләрҙең, спиртлы эсемлек менән артыҡ мауығыусыларҙың, профилактик иҫәптә тороусыларҙың торлаҡтарын ҡарап, электр һәм газ селтәрҙәренә, йылытыу приборҙарына тикшереү уҙғарырға кәрәк.

Яңы йыл һәм Раштыуа байрамдары уҙған урындарҙа (мәғариф учреждениелары, мәҙәниәт йорттары, спорт залдары, ресторан, кафе, шифаханалар һ.б.), пиротехник әйберҙәр һаҡланған ерҙәрҙә, шулай уҡ электр энергияһы объекттарында, торлаҡ-коммуналь хужалыҡтарҙа, ҡаҙанлыҡтарҙа, беренсе сиратта йәшәйеште тәьмин иткән һәм торлаҡ фондында янғын хәүефһеҙлеге ҡағиҙәләренең теүәл үтәлешен тәьмин итеү зарур. Яңы йыл һәм Раштыуа байрамдарын күмәк халыҡ менән билдәләгән урындарҙа янғын хәүефһеҙлеге хеҙмәткәрҙәре, ирекле янғын һүндереү командалары ағзалары менән берлектә дежурлыҡ ойоштороу мотлаҡ.

Хакимиәт башлығының ҡарары менән декабрь айы “Янғын хәүефһеҙлеген күҙәтеү айлығы” тип иғлан ителә.