Һаҡмар
+15 °С
Болотло
Антитеррор
Бөтә яңылыҡтар
Психолог кәңәше
11 Август 2022, 18:00

Ошо ла булдымы "матурлыҡ"?

Береһенә - картуфһыҙ ит, икенсеһенә - итһеҙ картуф, өсөнсөһөнә зәйтүн майы ғына һибелгән салат кәрәк...

Ошо ла булдымы "матурлыҡ"?
Ошо ла булдымы "матурлыҡ"?

Телевизорҙан ҡаҡ һөйәктәре үтә күренеп торған ҡыҙҙарҙы күрһәтә торғас, Баймаҡ һылыуҡайҙарының да аңына “матур” булыу проблемаһы килеп етте, буғай. Мин кафела эшләйем. Ябығырға теләгән ҡыҙҙарҙың күбәйгәндән-күбәйә барыуын күреп иҫем китә. Үҙҙәре ел өрһә, осоп китергә генә тора.

Шунан башлана инде: “Был салатҡа майонез һалынғанмы?”, “Зәйтүн майы менән эшләнгәне юҡмы?”, “Картуфын иттән йәки итте картуфынан айырып бирегеҙ”,-тигән йән көйҙөрөү.

Ҡыҙҙар! Хәтерегеҙгә һалып ҡуйығыҙ – “еңел” торттар булмай! Ҡамыр майһыҙ эшләнмәй! Шул тиклем ыҙалағас, ул булкаларҙы ниңә көн һайын ашайһығыҙ? Айына бер мәртәбә ҡуйы кремлы, татлы-шәкәрле тәмлекәстәрҙе рәхәтләнеп ашап алығыҙ ҙа, көн һайын “еңел” кондитер ризығын таптырмағыҙ. Һеҙ былай ҙа йәшлегегеҙ менән матур, аптыратмағыҙ беҙҙе, зинһар! Ҡоро һөйәк булыуы күпкә ҡурҡыныс ул! Ышанмаһағыҙ - ана, егеттәрҙән һорағыҙ!

З.

Автор:Гузель Салихова
Читайте нас: