Айыуҙар күбәйәме?

Республикала кешеләрҙең айыуҙар менән осрашыуы хаҡында хәбәрҙәр күбәйә. Кемдер еләккә барғанда, кемдер көтөү көткәндә айыуҙан саҡ ҡасып ҡотолған. 

Беҙҙең районда ла айыуҙар йә күренеп ҡала, йә малға тейә. Мерәҫ ауылынан хәбәр итеүҙәренсә, үткән аҙнала ғына ике һыйыр малын айыу йыҡҡан. Мерәҫтәр әйтеүенсә, айыуҙар ауыл эсенә тиерлек үтеп ингән саҡтар була.