Ветеран йорто янында үткән парад

Мерәҫ ауылынан 55 яугир Бөйөк Ватан һуғышынан тыуған еренә әйләнеп ҡайтыу бәхетенә өлгәшә. Уларҙың һәр ҡайһыһы тиерлек ауылын тергеҙеүҙә күп көс түгә. Хәҙер инде был яугирҙәрҙең араһынан берҙән-бер ветеран Хажғәле Ырыҫмөхәмәтов ҡына тере. Әйткәндәй, был ветеран май айында ғына үҙенең 95 йәшлек оло юбилейын ҡаршы алды. Шуға ла «Парад ветеранға килә» акцияһы сиктәрендә яугир йәшәгән йорт янында парад ойошторолдо.