Миңлеғәле Шайморатов - Рәсәй Геройы!

Рәсәй Геройы - Шайморатов!Ниһайәт, тарихи хаҡиҡәт тантана итә!Бөгөн Рәсәй Президенты Владимир Путин халҡыбыҙҙың арҙаҡлы улы, 112-се кавалерия дивизияһы командиры генерал-майоры Миңлеғәле Шайморатовҡа Рәсәй Геройы исеме биреү тураһындағы Указға ҡул ҡуйҙы. Был бөтә Башҡортостан халҡына Бөйөк Еңеүҙең 75 йыллығына шундай ҙур бүләк. Иҫегеҙгә төшөрәбеҙ, Башҡортостан Республикаһы Башлығы Радий Хәбиров 2019 йылдың сентябрендә Миңлеғәле Шайморатовҡа Рәсәй Геройы исемен бирҙереү өсөн барыһын да эшләйәсәге тураһында һүҙ биргәйне. Ул ысынлап та һүҙендә торҙо! Һуңлап булһа ла Миңлеғәле Шайморатовҡа юғары исем бирелеүенә шатбыҙ!