Йылдар уҙған һайын ҡәҙерле был көн!

1945 йылдың 9 Майы алыҫлашҡан һайын хәтирәләр нығыраҡ яңыра. Ул йылдар тарих төпкөлөндә ҡалған һайын, Бөйөк Еңеү ҡәҙерлерәк була бара. Беҙ уны шулай килеш үҫеп килгән быуынға тапшырырға бурыслы. Темәс ауылының "Йәйғор" балалар баҡсаһы тәрбиәсеһе Зөбәйлә Исчурина ла ошо хәҡиҡәттең асылын аңлап, Бөйөк Еңеүҙең 75 йыллығына арналған күргәҙмә ойошторған. Кескәйҙәргә илһөйәрлек тәрбиә биреү маҡсатында, Еңеүгә арналған төрлө альбомдар эшләгән. Уларҙа атаһы Темәс ауылының яугиры, һуғыш ветераны Кәлимулла Абдрахман улы Ирназаров тураһында мәғлүмәттәр туплаған. Уның хаҡындағы иҫтәлектәрҙе, хәтирәләрҙе бик тә ҡәҙерләп һаҡлай.