Һуғыш тураһында һөйләргә яратманы...

Һуғыш тураһында һөйләргә яратманы Нурислам Насип улы. Тик Украинала учение үткән сағында алма баҡсаларының күплеген, уларҙың телде йоторлоҡ тәмле булыуҙары тураһында йыш иҫкә алыр ине. Ә йыл һайын Еңеү көнөндә илап алғанын, мейес алдында уң аяғын һул аяғына төҙ итеп һалып ултырып, “Шайморатов генерал” йырын йырлағанын туғандары хәтерләй.