"Һаҡмар"ға былтырғы хаҡ менән яҙыл!

Башҡортостанда 2022 йылдың икенсе ярты йыллығына матбуғат баҫмаларына ваҡытынан алда яҙылыу кампанияһы башланды. 1 февралдән 31 мартҡа тиклем республика халҡы ағымдағы ярты йыллыҡ хаҡтары буйынса республика, ҡала һәм район матбуғат баҫмаларын яҙыла ала.

Яратҡан баҫмаларыбыҙға почта бүлексәһе аша ла, шулай уҡ онлайн яҙылырға була. «Башҡортостан Республикаһы» нәшриәт йорто өйҙән сыҡмай ғына гәзит-журналдарға яҙылыу мөмкинлеген бирә. 

Онлайн-яҙылыу сервисы менән rbsmi.ru сайтында ҡулланырға мөмкин. Бының өсөн «Подписка» бүлегенә инеп, (https://rbsmi.ru/catalog/podpiska/) үҙегеҙ теләгән гәзитте йәки журналды һайлағыҙ. Унан баҫма йә электрон вариантын һайлағыҙ. 

Бынан тыш, подписчиктарыбыҙ розыгрыштар конкурсында ҡатнашып, һәр төрлө приздар ота ала. 

«Башҡортостан Республикаһы» нәшриәт йорто «Яҙыл һәм бүләк от!» республика конкурсын үткәрә. Унда ҡатнашыу өсөн https://rbsmi.ru/catalog/podpiska/ һылтанмаһына баҫып, 2 - республика һәм район баҫмаһына яҙылырға кәрәк. Һеҙҙе ҡиммәтле бүләктәр көтә. Бүләктәрҙе һайлап алыу сараһы 2022 йылдың июль аҙағында БСТ каналында тура эфирҙа ойошторола.   

Унда ҡатнашыу өсөн түбәндәге адрес буйынса ғариза ебәрергә кәрәк: 450079, Өфө ҡалаһы, Октябрҙең 50 йыллығы урамы, 13, 212-се бүлмә «Башҡортостан Республикаһы» сауҙа йортоноң Башҡортостан Республикаһы дәүләт унитар предприятиеһы, «Яҙыл һәм бүләк от!» («Подпишись и выиграй») тигән билдә менән йә булмаһа [email protected] электрон адресына 2022 йылдың 15 июленә тиклем ебәрегеҙ. 

Бынан тыш республика, район һәм ҡала гәзит-журналдары үҙҙәренең конкурстарын да үткәрәсәк. 

Розыгрышта ҡатнашыу өсөн кәм тигәндә 6 айға яҙылыр кәрәк.