Балаларға шатлыҡ бүләк иттеләр

Бөгөн Баймаҡ районы хакимиәте башлығы Фәнис Әминев етәкселегендәге бер төркөм делегация - "Хәрби туғанлыҡ" ойошмаһының Баймаҡ районындағы бүлексәһе ағзалары, ирекмәндәр Йылайыр районының Матрай ауылында урынлашҡан балалар приютында булып ҡайтты. Улар тәрбиәләнеүселәргә

уйынсыҡтар, спорт инвентарҙары бүләк итте.

Төрлө тормош хәл-ваҡиғаһы арҡаһында бында эләккән балалар өсөн йылы ҡараш һәм мөнәсәбәт, иғтибар бер ваҡытта ла артыҡ түгел. Шунлыҡтан улар бындай осрашыуҙан бик ҡәнәғәт ҡалды.

Киләсәктә лә бындай саралар дауам итәсәк.

Баймаҡтарҙы Йылайыр районы башлығы Борис Мелкоедов оҙатып йөрөнө.