Йөрәк йылыһы ҡушып

Көньяҡ-көнсығыш райондарының Баймаҡ ҡалаһындағы “Ғаилә” хеҙмәте үҙәгенең сираттағы "Йылылыҡ бүләк ит!" мәрхәмәтлелек акцияһын район халҡы дәррәү күтәреп алды. Ауылдарҙан оҫта ҡуллы, изге йөрәкле апай-инәйҙәр был үҙәккә носки, бейәләйҙәр алып килеп тапшыра. Уларҙың барыһы ла мохтаж ғаиләләргә бирелә.

Ошо көндәрҙә Йомаш ауылынан Рәсимә Ярҡынбаева, Мәрзиә Алсынбаева, Рима Әйүпова, Зифа Иҫәнова, Венера Барлыбаева, Гөлсинә Солтангәрәева, Файза Фәтхуллина, Зөмәрә Байсыуаҡова, Ғәшүрә Түвәнәйева, Әлфиә Баймырҙиналар бер йәшник бәйләнгән әйбер тапшырҙы.

Һеҙҙең йөрәк йылыһы ҡушып бәйләнгән бейәләй, носкиҙар балаларҙы ҡыуандырып, рәхмәттәре сауап булып ҡайтһын!