Афарин, Ишбирҙе ир-егеттәре!

Зауыҡлы биләмәләр йылына ҡарата Ишбирҙелә төҙөкләндереү буйынса башланғыс алған эштәр дауам итә.

Ошо көндәрҙә "Ауылым", - тип янып торған Ишбирҙе ир-егеттәре уҙған йылда ғына асылған фельдшер-акушерлыҡ пунктының тирә яғын кәртәләүгә өмәгә сыҡты. Динар Иҙелбаев, Нурбулат Халиҡов, Камил Маликов кәрәкле төҙөлөш материалдары менән ярҙам иткән.

Барлыҡ төҙөкләндереү эштәрен Мортаза, Мотаһар, Зөфәр Халиҡовтар, Ғәлим, Байрас Дәүләтбирҙиндар, Йәлил Маликов, Борхан Иҙелбаев, Ғәзиз, Сыңғыҙ Дәүләткилдиндар, Йәмил Хәсәнов, Фәрит, Нурбулат Вәлиевтар атҡарып сыҡҡан. Һәр ауыл шундай уңған, егәрле ир-егеттәре менән көслө лә инде.

Афарин, ишбирҙеләр!