Байрамғоловтар ҙа алғы һыҙыҡта!

Изгелектең юҡтыр сиктәре!

Баймаҡ районында ғына түгел, республика халҡына ла яҡшы таныш булған эшҡыуарҙар Гөлнара һәм Рәмил Байрамғоловтар әленән-әле бағыусылыҡ ярҙамы күрһәтә. Ошо көндә улар, үҙҙәренең эшселәре менән берлектә, Беренсе Этҡол ауылы халҡын ҡыуандырып, он таратҡандар.

Шундай еңел булмаған шарттарҙа

өйҙә ултырырға мәжбүр булған райондаштарына ярҙам күрһәтеп, Байрамғоловтар үҙҙәрен тағы ла бәләкәй Ватанының ысын патриоттары итеп күрһәтте.

Әйткәндәй, үҙҙәрен генә түгел, башҡаларҙың да мәнфәғәтен ҡайғыртҡан эшҡыуарҙар "Һаҡмар" гәзитенең дә тоғро дуҫтары. Улар гәзитебеҙгә яҙылыу кампанияһында даими рәүештә призға тиҫтәләгән ҡаҙ һәм өйрәк бәпкәләре ҡуя.

Изге Ураҙа айында ҡылған изгелектәренең сауаптары насип булһын!