Рауил Назаровтан балаларға ярҙам!

Сәйғәфәрҙән шәхси эшҡыуар Рауил Назаров үҙ ауылындағы мәктәпкәсә йәшендәге балалар тәрбиәләгән 25 ғаиләгә матди ярҙам иткән. Ул уларға үҙ аҡсаһына һөт һәм һөт ризыҡтар тупланмаһы йыйып тапшырған. Шуның менән эшҡыуар ябай булмаған осорҙа ауылдаштарына ҙур мәрхәмәтлек күрһәткән.

Әйткәндәй, Сәйғәфәр ауылындағы был 25 ғаиләлә 45 сабый тәрбиәләнә. Шулай итеп, Рауил Назаров күпме балаға шатлыҡ-ҡыуаныс килтергән. Изге Рамаҙан айында күрһәткән ярҙамы Рауил Әхмәҙулла улының үҙенә ҙур сауап булып ҡайтһын!